254
REGISTRES DU BUREAU
[i 563]
en plus que son debvoir pour le secourir, actendu les deniers qui sont par cy devant sortiz des bources des habitans de lad. Ville, et qu'il seroict bon de
vendre les biens des trestres'1* qui ont vendu led. Havre de Grace aux Anglois pour le recouvrer.
CCCXCVI.— [Lettres de la Ville au Roy touchant le prest pour le secours de l'armée du Havre de Grace. —Mandement à Jean de Reauquesne, Quartenier.]
io juillet 1563. (H 1785, fol. 18 r°.)
Du samedy, xc jour de Juillet mil vc lxiii.
"Sire, pour satisfaire ad ce que debvons à Vostre Magesté, nous avons advisé de faire Assemblée gene­rale des Estatz et communaultez de ceste Ville, qui a esté faicte, ce jour d'huy, pour raison de l'emprunct que demandez par prest pour le secours de vostre armée qui est de present au Havre de Grace, en la­quelle Assemblée a esté advisé de faire entendre à Voslred. Majesté l'incommodité du temps qui est pour le jour d'huy, neantmoings, pour vous faire congnoistre la continuelle devotion que ung chacun doibt pour une si bonne occasion et le zèle qu'ilz ont envers Vostre Magesté, que ung chacun fera debvoir de prester,                    , selon son pouvoir,
quelque somme avecq bonne seureté et caution pour luy estre rendu dedans trois mois sans faillir. A ceste cause nous vous supplions de envoier lettres patentes contenant promesse et obligation de faire rembourser lesd, prestz en l'Hostel de la ville de Paris, et que les deniers soient receuz et rembour­sez par le Receveur de la Ville, me Françoys de Vigny; aussy sera besoing nous faire envoyer une procuration de la Royne pour faire promesse dud.
remboursement et escripre à monsieur de Gonnor de s'en obliger avecq vosd. Magestez.
"Sire, nous supplions le Createur vous donner l'entier accomplissement de voz bons et nobles dé­sirs. C'est de l'Hostel de vostre ville de Paris, ce dixiesme jour de Juillet mil vc lxiu."
"Jehan de Beauquesne, Quartenier de ceste ville de Paris, nous vous mandons que dedans demain vous transportez avecq deux des princippaux bour­geois de vostre quartier par les maisons des bour­geois aysez sans obmettre aulcun desd, aysez, affin de les admonester de la necessitté en laquelle le Roy est pour le jour d'huy pour l'armée qu'il a pour le present au Havre de Grace, et que, suivant la delibe­ration de l'Assemblée generalle, ilz ayent à declairer le prest qu'ilz pourront faire voluntairement de quelque somme, pour leur estre renduz dedans trois mois sans faire faulte ; et nous apportez par escript ce que en aurez faict, signé de voz mains, contenant la responce de ceulx qui presteront et des reffusans, dedans vingt quatre heures après qu'aurez receu le present mandement. Sy n'y faictes faulte."
k Mons' le
CCCXCV1I. — Lettres de la Royne pour la Chambre des Comptes.
io juillet 1563. (H 1784, fol. 209 Y°. H -785' -°1- ai r°0
lequel l'on doibve de rechef faire lesd, ouvertures
d'aucuns officiers de ma Chambre des Comptes que n'avez encores faict restablir les desmolitions et ou­vertures que avez cy devant faict faire en mad. Chambre pour le passaige du guet et sentinelles du­rant le temps des esmotions, je vous ay bien voullu escripre ce petit mot de lettres et prier, incontynant icelle receue, donner ordre que ce que y avez faict soict restably en son premier estat, à ce que mon service ne puisse, à faulte de ce, estre retardé ny mesd. seigneurs incommodez, et vous me ferez plai­sir agreable; s'il survient affaires necessaires pour
pour le service du Roy monsr mon filz et seuretté des habitans de la Ville, j'entendz que l'on les face, et que à ce mesd. officiers et autres y obéissent. Priant le Createur,' mohsr le Prevost qu'il vous ayt en sa garde.
"Escript à Gaillon, le dixiesme jour de Juillet
Ve LXIII."
Ainsy signé : KATHERINE. Et au dessus desd, lettres est escript : A mons' le Prevost des Marchans de la ville de Paris.
Receue le quinziesme jour de Juillet oud. an '2'.
") La place du Havre avait élé livrée aux Anglais le 20 septembre 1562 par Jean de Ferrières, vidame de Chartres, conformément au traité dont les articles sont donnés par M. H. Laferrière (Le xvi' siècle et les Valois, p. 75).
(-) Ces missives sont teproduites dons le recueil des Leures de Catherine de Médicis, t. 11, p. 4i5.